59. Zinemaldia
Zazpi film aurkeztuko dituzte Donostia Zinemaldiko Zinemira sailean
Euskal Herrian ekoitzitako hiru film ere estreinatuko dituzte
Zinemira sailerako aurten aukeratutako zazpi filmak 59. Donostia Zinemaldian ikusi ahal izango dira. Zinemira Euskal Herrian ekoitzitako zinemari eskainitako atala da. Estreinaldiak atalaren barruan, hiru ekoizpen berri aurkeztuko dituzte, eta “Panorama” atalaren barruan, berriz, aurten ekoitzitako lau film nabarmen emango dituzte.
Argitaratu gabeko hiru filmok Serbitzu Zinemira saria irabazteko lehiatuko dira; sari horren helburua euskal kultura eta industria zinematografikoa garatzen laguntzea da. Orotara, 20.000 euro gordin irabaziko ditu filma ekoitzi duenak. Sari honek Serbitzu Elkartearen babesa du.
Euskal Zinemaren Gala Victoria Eugenia antzokian izango da, irailaren 21ean. Bertan, Gregorio Muroren Zeinek gehiago iraun film laburra emango dute, eta Imanol Rayok zuzendutako Bi anai film luzea estreinatuko dute. Galan, Elías Querejeta ekoizleak Zinemira saria jasoko du; hau da, euskal zinemagintzako pertsona ospetsu baten ibilbidea saritzeko ematen den saria.
Zinemira sailaren barruan, era berean, 2011ko Kimuak katalogoko film laburren aukeraketa ere izango da. Kimuak Eusko Jaurlaritzako Kultura Sailaren eta Euskadiko Filmategiaren arteko ekimena da, eta helburua urteko film labur nabarmenenak zabaltzea da. Kimuak aukeraketaren barruan, bederatzi film labur bildu dituzte.
Bestalde, Donostia Zinemaldiak Euskadiko Filmategiarekin lankidetzan jardungo du Euskal Herriko ondare zinematografikoko obra zaharberrituak emateko. Aurten Gotzon Elortza zinemagile bizkaitarraren hiru film labur dokumental aurkeztuko dituzte; hain zuzen, erabat euskaraz sortutako eta filmatutako historiako lehendabiziko pelikulak.
Zinemira Donostia Zinemaldiak antolatzen du, Eusko Jaurlaritzako Kultura Sailaren, EiTBren, EPEren eta Ibaiaren lankidetzarekin. Halaber, Serbitzu Elkartea da babeslea.
Hamalau argitalpen izan dituen Bernardo Atxagaren Bi anai eleberriaren egokitzapena. Idazlea, liburu horrekin eta Bi letter jaso nituen oso denbora gutxian (1984) zein Sugeak txoriari begiratzen dionean (1984) eleberriekin egin zen ezagun euskal irakurleen artean. Paulo da filmeko protagonista; aita hil ostean, bere anaia gutxituaren ardura hartu beharko duen mutila. Imanol Rayo Iruñean jaio zen 1984an. Andoaingo Zine eta Bideo Eskolan Zinematografia Zuzendaritza ikasi zuen. Ondoren, Zinematografia Idazketa egin zuen Urnietan, Michel Gaztambiderekin.Bi anai da bere lehen film luzea.
Tags: Hogei film emango dituzte Donostia Zinemaldiaren ''Itzal digitalak: azken belaunaldiko Txinako zinema'' zikloan
Txinako zinemagile garaikide sonatuek zuzendutako hamazortzi film luze eta bi labur emango dituzte
Donostia Zinemaldiaren 59. edizioak eta San Telmo museoak «Itzal digitalak: azken belaunaldiko Txinako zinema» izeneko zikloa antolatu dute. Kataluniako Filmotekak ere parte hartu du zikloa antolatzen.
Orotara, 2000-2010 aldian euskarri digitalean grabatutako hogei film emango dituzte. Azken belaunaldian agertutako zinemagile txinatarrik interesgarrienak ezagutarazteko modua izango da, eta, zikloaren bitartez, Txinako gizartean zer-nolako aldaketak gertatzen ari diren erakutsiko du Donostia Zinemaldiak, era guztietako formatuak eta kontakizunak aztertzen dituen zinemagintza independentea baliatuta.
Zikloa Bérénice Reynaud-ek, zinema txinatarrean aditua eta zikloko komisariak, aurkeztuko du, eta Liu Jiayin eta Zhu Wen zinema zuzendariak bertan izango dira.
Film luzeak
Beijingeko Zinema Akademiako Cui Zi'en irakasleak desio homosexualarekin lotuta egindako esketx-sorta. Cui Zi'en, halaber, eleberrigile, saiakeragile, homosexualen eskubideen defendatzaile, probokatzaile eta underground mugimenduko enfant terrible ere bada, eta Txinako gay arloko zinemagintza berriari ateak ireki zizkion.
Libanoko, Jordaniako eta Palestinako lau proiektuk hartuko dute parte Zinema Mugimenduan sailean
Amiens eta Friburgoko nazioarteko zinema jaialdiekin elkarlanean antolatutako Zinema Mugimenduan sailak zazpigarren edizioa izango du Donostia 59. Zinemaldian. Aurkeztutako lau filmak irailaren 19an, astelehena, aurkeztuko dituzte.
Zinema Mugimenduan ekimena amaitzear edo postprodukzio fasean dauden film luzeei Donostia Zinemaldiak eskaintzen dien sail irekia da. Magrebeko eta portugesez hitz egiten duten Afrikako herrialdeetako zinemagileek har dezakete bertan parte, bai eta garapen bidean dauden herrialde arabiarrek ere; hots, Angolak, Aljeriak, Cabo Verdek, Egiptok, Gineak, Irakek, Jordaniak, Libanok, Libiak, Marokok, Mozambikek, Palestinak, Sao Tome eta Principek, Siriak eta Tunisiak.
Aurten aukeratutako zuzendarietako hiruk aurretik ere hartu dute parte programan. Annemarie Jacir-ek Zinema Mugimenduan saria jaso zuen Milh Hadha al-Bahr (La sal de este mar, 2008) filmagatik 55. Zinemaldian (2007); Khalil Joreige-k eta Joana Hadjithomas-ek, aldiz, urte horretan Je veux voir filma aurkeztu zuten, eta ondoren Canneseko zinema jaialdiak aukeratu zuen «Un Certain Regard» sailerako.
Hauek dira 7. Zinema Mugimenduan programarako aurreikusitako laguntzak:
- Mac’Tari nahasketa auditoriuma: 15.000 euro soinua nahasteko prestaziotan.
- Centre National du cinéma et de l’image animée (CNC): 5.000 euro Frantzian postprodukzio gastuetara bideratzeko.
- Dubaiko Nazioarteko Zinema Jaialdia: 5.000 euro postprodukzio gastuetarako.
- Amienseko Nazioarteko Zinema Jaialdia: kopia 35 mm-tan azpititulorik gabe.
- Friburgoko Nazioarteko Zinema Jaialdia: kopia 35 mm-tan azpititulorik gabe.
- Titra Film: 2.500 euro azpitituluak frantsesez edota ingelesez egiteko.
Libano
Zuzendaria: Eliane Raheb
Libanoko gerra zibilaren ondorio suntsigarriei buruzko dokumentala. Istorioa aurkako bi pertsonaiaren bidez kontatzen da: alde batetik, Zerbitzu Sekretuko kide bat, pertsona ugariren hilketen arduraduna, erredentzio bila ari dena eta gizarteratu nahi duena; bestea, gatazketan desagertutako gazte baten ama. Eliane Rahebek (Libano, 1972) fikziozko bi film labur eta hiru dokumental zuzendu ditu. Horietako bati, Hayda Lubnan izenekoari, saria eman zioten Yamagatako Zinema Jaialdian. Beirut DC kultura kooperatibaren sortzaileetako bat da, baita «Ayam Beirut al Cinem’iya» jaialdiaren arte zuzendaria ere.
Zinema Eraikitzen sailean Argentinako, Brasilgo, Txileko, Kolonbiako, Mexikoko eta Paraguayko sei film aurkeztuko dituzte
Donostia Zinemaldiaren 59. edizioko 20. Zinema Eraikitzen jardunaldietan, irailaren 20an eta 21ean, parte hartzeko sei film aukeratu dituzte.
Aurten, Zinema Eraikitzen atalean ondoko filmak aurkeztuko dira lehenbiziko aldiz: Era uma vez Verônica (Brasil), Donostia Zinemaldiaren Horizontes Latinos atalean Cinema, Aspirinas e Urubus (2005) filmarekin parte hartu duen Marcelo Gomesena; Infancia Clandestina (Argentina), 2004an Zabaltegi-Bereziak sailean Nietos (Identidad y memoria) dokumentala aurkeztu zuen Benjamin Avilarena; Marialy Rivasen Joven & Alocada (Txile); Gabriel Mariñoren Un Mundo Secreto (Mexiko); Juan Andres Arangoren La playa (Kolonbia); Juan Carlos Maneglia eta Tana Schemboriren 7 Cajas (Paraguay).
Zinema Eraikitzen bi urtetik behin antolatzen dute Donostia Zinemaldiak eta Toulouseko Rencontres Cinémas d'Amérique Latine jaialdiak, Latinoamerikako zinemari laguntzeko helburuz.
71 film jaso dira honako hamabost herrialde hauetatik: Argentina, Brasil, Txile, Kolonbia, Kuba, Ekuador, Espainia, Frantzia, Herbehereak, Panama, Paraguay, Peru, Uruguai eta Venezuela.
Zinema Eraikitzen saileko 20. edizioan honako sari hauek banatuko dira:
Industriaren Zinema Eraikitzen Saria. Arena, Best Digital, Dolby, Kodak (zinema profesionalaren saila), Molinare Madrid, Nephilim, No Problem Sonido eta Technicolor Entertainment Services Spain enpresek film baten postprodukzio kostuak ordainduko dituzte, baita ingelesezko azpitituludun 35 mm-ko kopia ere.
Zinema Latinoamerikarraren Postprodukziorako Laguntzarako Amerikako Etxea saria, 10.000 euro gordinekoa.
Gainera, Zinema eraikitzen programan parte hartzen duten filmek nazioartean zabaltzeko aukera dute, Cervantes Institutuaren munduko sarearen bidez.
Zinema Eraikitzen sailak honako hauen babes ezinbestekoa jaso du: Garapenerako Lankidetzarako Espainiako Agentzia (AECID), Arena, Best Digital, Casa de América, Mugarik gabeko zinema (CSF), Dolby, Kodak (Zinema Profesionalaren Saila), MEDIA Mundus, Molinare Madrid, Nephilim, No Problem Sonido, Ibermedia Programa eta Technicolor Entertainment Services Spain. Era berean, honako hauen laguntza ere izan du: Europako Zinemagintza Tailerrak (ACE), Frantziako Gizarte Ekintzarako Kutxa Nagusia (CCAS), Frantziako Zinematografia Zentroa (CNC), CINÉ CINÉMA, Cinéfondation, Arte eta Saiakerako Zinemaren Nazioarteko Konfederazioa (CICAE), Garona Garaiko Kontseilu Nagusia, Midi-Pyrénées Eskualdeko Kontseilu Nagusia, Toulouseko CROUS, Ikus-entzunezkoetako Frantziako Goi Mailako Ikastegia (ESAV), EP2C – Postproduction training programme, Europa Distribution, FNAC, Cervantes Institutua, Mactari, Toulouseko Udala, Marché du Film, Signis eta TitraTVS.
Brasil
Zuzendaria: Marcelo Gomes
Antzezleak: Hermila Guedes, João Miguel, WJ Solha, Renata Roberta, Inaê Veríssimo
Medikuntzan lizentziatu berri den eta zalantza eta ziurgabetasunez beteta dagoen Veronica izeneko gaztearen hausnarketak. Bere lanbidea eta maitasun harremanak zalantzan jartzeaz gain, bizitzari aurre egiteko duen ahalmenak eta aurretik duen etorkizunak ere kezkatzen dute.
Espainiako hamabost film aukeratu dituzte Donostia Zinemaldiko 'Made in Spain' sailerako
Espainian aurten ekoitzitako obra nabarmenak aurkeztuko dituzte 59. Donostia Zinemaldiaren Made in Spain sailean.
Dokumental honetan, Chema Rodríguez zuzendariak bere hamazortzi urteko alabaren gizarteratze-prozesua azalduko du; gor eta itsu jaio zitzaion alaba, eta egunero zer-nolako arazoei egin behar izaten dien aurre kontatuko du.
Hamahiru film lehiatuko dira Donostia Zinemaldiko Horizontes Latinos sailean
Mexikoko ''Miss Bala'' filmak estreinatuko du saila
Donostia Zinemaldiaren 59. edizioko Horizontes Latinos saileko programazioan Argentinako, Mexikoko, Txileko, Ekuadorreko, Brasileko, Uruguaiko eta Kolonbiako hamahiru film emango dituzte. Guztiak ere Horizontes saria eskuratzeko lehiatuko dira.
Hamabost film lehiatuko dira Kutxa-Zuzendari Berriak Saria eskuratzeko
Donostia Zinemaldiaren 59. edizioko Zabaltegi-Zuzendari Berriak sailean, besteak beste, Islandiako, Japoniako, Israelgo, Alemaniako, Hego Koreako, Txileko, Estatu Batuetako, Austriako eta Erresuma Batuko filmak izango dira, baita aurretik adierazi genituen Espainiako hiru film ere: Arrugas (Ignacio Ferreras), Tralas luces (Sandra Sánchez) eta Urte berri on, amona! (Telmo Esnal). Guztiak ere Kutxa-Zuzendari Berriak saria eskuratzeko lehiatuko dira, Sail Ofizialeko beste hiru filmekin batera: Mathieu Demy zuzendariaren Americano (Frantzia), Oren Moverman zuzendariaren Rampart (AEB), eta Sarah Polley zinemagilearen Take This Waltz (Kanada).
Kim ki-duk zinemagilearen ''Amen'' eta Oren Moveman zuzendariaren ''Rampart'' filmek osatuko dute Sail Ofiziala
Johnnie To, Steve McQueen et Nicolas Provost zuzendarien film berriak Zabaltegi-Perlak sailean emango dituzte
Donostia Zinemaldiaren 59. edizioaren Sail Ofizialean, aurretik aipatutako hamalau filmez gain, beste bi obra ere lehiatuko dira Urrezko Maskorra eskuratzeko. Horrez gain, Zabaltegi-Perlak sailean beste hiru film emango dituzte.
Ami Canaan Mann zuzendariaren ''Texas Killing Fields'' filmak estreinatuko du ''AMERICAN WAY OF DEATH: 1990-2010 BITARTEKO AMERIKAKO ZINEMA BELTZA'' atzera begirakoa
Walter Hill eta James Gray zuzendariek aurkeztuko dute zikloa Donostian
Donostia Zinemaldiaren 59. ediziorako programatutako atzera begirakoa, Amerikako zinema beltzari eskainia, TEXAS KILLING FIELDS obrarekin hasiko dute. Filma Veneziako zinema-jaialdiko Sail Ofizialean lehiatuko da. Thriller sutsu honek erakusten duenez, generoa sasoi betean dago: Texaseko urtegietan girotutako lanak bi poliziakideren ikerketa-lanak kontatuko ditu, kostaldeko lautada zingiratsu bateko hedadura kezkagarri batean gertatutako eta argitu gabeko hainbat hilketaren inguruan. Sam Worthington, Jeffrey Dean Morgan, Chloe Grace Moretz, Jessica Chastain, Annabeth Gish eta Sheryl Lee dira filmeko antzezleak.
Ami Canaan Mann Michael Mann zuzendariaren alaba da. Hainbat telesailetan gidoilari eta zuzendari lanak egin ditu; esate baterako, NYPD Blue, Robbery Homicide Division edota Friday Night Lights sailetan. Zinemagintzan Morning (2001) film luzearekin estreinatu zen, eta Rhode Island eta Houstoneko zinema-jaialdietan saritu zuten pelikula hori.
«American Way of Death: 1990-2010 bitarteko Amerikako zinema beltza» zikloak genero honen barruan azken hogei urteetan sortutako berrogei bat izenburu enblematiko biltzen ditu; dela Hollywoodeko ekoizpen ospetsuak, dela zinema independenteko proposamenak. Hainbat zuzendariren filmak izango dira ikusgai; hala nola, David Fincher, Clint Eastwood, Joel Coen, Michael Mann, Quentin Tarantino, John Dahl, Abel Ferrara, Jonathan Demme, eta beste askorenak. Zikloa luxuzko bi gonbidatuk aurkeztuko dute: Walter Hill eta James Gray zinemagileek, hain zuzen. Bien filmak daude bilduta atzera begirakoan.
Walter Hill (Long Beach, 1942) Amerikako akziozko zinemagintzako zuzendari handietako bat da, eta, besteak beste, honako filmak egin ditu: Hard Times (1975), Driver (1978), The Warriors (1979), The Long Raiders (1980) edota Southern Comfort (1982). Azken film hori Donostia Zinemaldiaren Sail Ofizialean lehiatu zen. Era berean, Deadwood telesailean ere parte hartu du. Zikloaren barruan, bere Last Man Standing (1996) pelikula emango dute, Bruce Willis eta Christopher Walken protagonista dituena.
James Gray (New York, 1969) zuzendariaren lehendabiziko lana Little Odessa izan zen. Veneziako eta Deauvilleko zinema-jaialdietan saritu zuten obra hori, eta atzera begirako honetan ikusi ahal izango dugu. Grayk genero honetako beste hainbat film ere egin ditu gerora; konparazio batera, The Yards (1999) eta We Own the Night (2007). Azkeneko lana Two Lovers filma izan da (2008).
Zikloa osatzeko, liburu bat ere argitaratuko dute, Roberto Cuetok eta Antonio Santamarinak koordinatuta. Bertan, Ricardo Aldarondo, Quim Casas, Jordi Costa, Desirée de Fez, Jara Fernández, Chris Fujiwara, Novotny Lawrence, Jesús Palacios, Alain Silver eta James Ursini adituen artikuluak bilduko dira.
Ziklo hau Euskadiko Filmategiarekin batera antolatu dugu, Valentziako Gobernuaren Filmotekarekin lankidetzan. Halaber, TCMk babestuta dago.
Martin Scorsese, Frederick Wiseman, Hirokazu Kore-eda, Juan Carlos Rulfo eta Joann Sfar zinemagileen film berriak, Zabaltegi-Bereziak sailean
Leila Kilani 58. edizioko Zinema Mugimenduan saileko irabazleak ere parte hartuko du ''Sur la planche'' filmarekin
Zabaltegi saileko emanaldi berezien programazioa hamar filmekin osatzen da. 59. edizio honetako eskaintzari nazioarteko zinemagileen hiru dokumental eta fikziozko hiru film luze batuko zaizkio. Halaber, beste lau obra ere ikusi ahal izango dira Gauerdiko Saioetan. Aldez aurretik jakinarazita bezala, Zabaltegi-Bereziak sailean Espainiako sei film ere emango dituzte: Manuel Huergaren 14 d’abril Macià contra Companys, Eterio Ortegaren Al final del túnel, Isaki Lacuestaren El cuaderno de barro, Nacho Vigalondoren Extraterrestre, David Truebaren Madrid, 1987 eta ESCACen (Kataluniako Zinema eta Ikus-entzunezkoen Ikastegi Nagusia) Puzzled Love.
